1.五星級迫爆
作詞：黃仲凱
作曲：金培達
編曲：金培達
合唱：苦榮／小苦妹／吳君如／陳奕迅
陳奕迅：收音機擺o係檯面邊位郁過
小苦妹：我知 係阿哥
吳君如：朱古力擺o係檯底邊位mit過
苦榮： 係阿妹
吳君如：屋企功夫多 咪要我磨磨磨
陳奕迅：成年人唔願認錯 能誠實就賺到更多
苦榮： 乒乓波點解黑o左邊位踩過
陳奕迅：係阿媽
小苦妹： 晏覺點解醒o左邊位唧我
吳君如：係阿公
苦榮： 偷偷打小苦妹罰我打十日坐
苦榮
陳奕迅：唔成熟成日犯錯寧願唔做勁去拍拖
合：人人萬勿錯過 買綺狗兩個
快入場看我們偉大成果
合：將苦惱掟出公路 這個五星級迫爆show
即管發夢 你諗我做 吞氣球R爆頭 烏鴉都讚好
我壓軸為你跳多part舞
與你吊威也擁抱 Wooo…細路 欣賞指數高
We are Family!!
苦榮： 乜都頂乜都起o個位邊個 係我咯
小苦妹： 乜都慘乜都好慘o個位邊個 係我咯
吳君如：不必囉囉唆唆 快快準備入坐
陳奕迅：誰明白誰幸運過誰便容易愉快唱歌
合：人人萬勿錯過 買綺狗兩個
快入場看我們偉大成果
合：將苦惱掟出公路 這個五星級迫爆show
即管發夢 我識點做 吞氣球R爆頭 烏鴉都讚好
我壓軸為你跳多part舞
與你踩波車擁抱 Wooo…細路 欣賞指數高
苦榮：好搞野
合：將苦惱掟出公路 這個五星級迫爆show
即管發夢 你諗我做
不要停 不要明 瘋癲些更好
到散場離去你先知道
你變了Happy People Wooo…
鐵甲人 打關斗更高 We are Family!!
2.到此一遊
小苦妹：嘩~好耐無坐過纜車喇,好緊張呀…
苦公：坐好D呀…
小苦妹：好玩,好高呀…
苦公：以前呢度都無纜車架…
苦公：小苦妹妳做咩唔出聲呀？
小苦妹：好…好高…
苦公：唏,妳頭先都無咁驚架…
小苦妹：…你睇下哥哥係度做…做緊咩野…
苦榮：…我係度跳
小苦妹：嘩~好多大魚呀…
苦榮：係海洋館,有陣腥味,好臭
苦公：哎,起~見唔見到果條呀？
小苦妹：下..？
苦公：巖巖游過呢,果條黑色果條呀
小苦妹：好大條果條呀？
苦公：噓~我食過喇!!
小苦妹：…下..？….
苦榮： 嘩,你睇下個底,勁多死魚呀,無頭無尾,好核突
苦公：呢~果條呀,我都係惠州食過!!
小苦妹：…下..？….點解你地要咁樣做呀…？
苦公：唏…」朝儂來話..」唏!唔好食既,D肉鞋十十…
小苦妹：…下..？…不如走Lu…
苦榮：做咩者又？
小苦妹：…我好Sad…
小苦妹：嘩!鯨魚呀…
苦公：係呀..噓,淨係用條尾鰭,下,係個水面呀企喎
小苦妹：…下..？…呀..唔..唔好呀!唔好要佢地咁樣呀!
苦公：唔..？
苦榮：做咩呀妳？
小苦妹：唔…
苦公：做乜野呀？
小苦妹：佢地好慘..人地條尾都唔係用黎咁樣企既…你地…你地好衰呀!!
苦公：哎…唔好喊啦…唔好喊啦…
小苦妹：….仲要跳圈添呀…
苦公：…喂..有無紙巾呀苦榮？!…..苦榮!!!
苦榮：…無!
苦公：…拿..我地走…走喇…
3.孤兒仔
作詞：李峻一
作曲：李峻一
編曲：金培達
合唱：苦榮／陳奕迅
苦榮： 傳說世間每個人 也會有一位天使護蔭
陳奕迅：縱使渺小彷如微塵 仍可棲身當愛人呼吸
苦榮： 可惜像我這一種人 聖母永遠不肯給予憐憫
陳奕迅：每天如像苦兒祈求 誰可真心的逗我開心
苦榮： 誰說會與我騎迴旋木馬 天黑透了伴我一起歸家
陳奕迅：是我或你犯錯了嗎 人被半路撇下
合唱： 受那風吹雨打
合唱： 誰人會愛我這種孤兒仔
陳奕迅：流落到谷底
苦榮： 恐怕我已是個熱戀的後遺
陳奕迅：無人前來認領骯髒的身體 若想抱抱就等下一世
合唱： 誰要我這種孤兒仔
陳奕迅：誰贈我安慰
苦榮： 當我至愛路過 亦不想拾遺
陳奕迅：誰在從前話我貧窮但美麗 但想抱抱就等待轉世
合唱： 我這種身世
4.真相
苦榮：原來當你一個人,無目的地,無屋企要返,
個世界真係會唔同曬…
今日係我離家出走既第二日,係條街度行左好耐,
好熱,好曬…行左入個商場度諗住涼冷氣,
但係又覺得好凍,結果,我又行返出條街度…
我諗我應該係冷親…呢個鐘數,屋企應該開左飯喇,
唔知今晚阿媽煮咩送呢……
苦媽：我好失禮你咩？我都好想呀,又靚又有錢打扮,
我都好想有自己既事業唔駛做人師奶呀,
我都好想以前好識得諗讀好多書,
唔俾人掟曬D麵士信,
無俾人撕爛曬D文件愛黎墊杯呀,
做返份工,有返自己,唔係淨係邊個邊個個女,
邊個邊個老婆,邊個邊個阿媽呀!
我已經盡曬力架喇,你要學琴,你要唔讀書,
你要食餐好,你要個女點點點,我都想點呀!
我唔知點先做得最好,你地教我丫!
你覺得我咁失禮丫嘛,你以後唔好再返黎呀!
你以後唔好再返黎呀!!
苦榮：呀…ccc…
苦公：唔~飲曬~
苦榮：er…阿公呀…你未飲呀…呢杯你既,你唔記得左喇？
苦公：哈~我咪飲左囉巖巖,想昆我飲多杯呀？…真係…朝儂來話….
苦榮：…無事…心多者…唔…好彩者…
苦媽：呀今晚有生果食呀…黎丫黎丫…食荔枝呀餵好靚呀D荔枝…
苦公：好
苦媽：咦？邊個架？阿爸,你未飲苦茶喎…
苦公：下？哦,飲飲飲飲飲…宜家飲呀…唔唔
苦榮：阿公…
苦公：咩呀？
苦榮：你…飲緊苦茶呀可？
苦公：係呀,做咩呀？
苦榮：…無…問下者…
苦公：呀…ccc…下…好飽呀…飲曬喇~食荔枝~……咩呀？
苦榮：唔…無野呀…
苦媽：飲完喇下嘛？羅曬D杯入黎丫,洗呀…
苦公：哦…好
苦榮：…阿媽…
苦媽：唔？
苦榮：我諗…你要帶一帶阿公去睇醫生呀…
5.願
作詞：林夕
作曲：許願／黃偉年
編曲：Wayla
主唱：苦榮
最美一幕 還未閉幕 最闊的路在塵世遠方
最好知己永在身旁 聽我講 我從不說謊
我想相聚 誰便再聚 我想歡樂便隨意去追
我想相信我做得對 想到人極疲累
我自信有日如願 縱使天高地厚
仍被我逆轉 假使一生會沒了沒完
總有日會如願
當結局未揭穿
6.尋人
解籤人：呢位善信,有咩想問呢？
苦媽 ：我想睇下我個仔係邊
解籤人：唔…3號簽…情若無花不結果,一遇風雲便化龍…
苦媽 ：即係係邊呀？
解籤人：照佢既意思呢就係咁講…
遠起上黎呢就係好遠,近起上黎呢就係好近…
社工 ：咦？苦太,妳都黎玩呀？？
苦媽 ：下…係呀…我黎睇下有咩玩咋嘛…
社工 ：我地社區中心呀有好多唔同既小組架…
拿…織冷衫啦,烹飪班啦,親子班啦,
不如我帶妳參觀下我地既康樂棋室同圖書館丫…
苦媽 ：哦…得架喇…得架喇,我自己行得架喇…
社工 ：A,我帶妳參觀啦,拿我地有個排舞室,
四面都有鏡架,妳都可以叫埋妳D仔女黎玩架喎…
苦媽 ：妳識我個仔既咩？!
社工 ：苦榮丫嘛~佢間唔中都會黎恰我地D小朋友架喇…
苦媽 ：咦~見D小朋友玩得咁開心,
睇黎恰佢地果D人都唔係度架喇可？
社工 ：哦~佢好耐無黎過囉~
陳神父：哦？呀…苦太,妳終於都黎喇？
苦媽 ：我…我…買送行過架咋…
陳神父：呀…買送行過都入到黎教堂,相信一定係神既旨意…
苦媽 ：呀…阿陳神父呀,你…你…你教堂一眼見曬架咋可…？
陳神父：唏~千祈唔好盡信妳既眼睛…
苦媽 ：哈講起眼睛我就諗起喇,我要返去煮飯…我走先喇~
陳神父：呀…苦太…苦太…願神祝福妳呀…得閒黎丫~
7.一疋布
作詞：黃仲凱
作曲：陳輝陽
編曲：Adrian Chan
合唱：陳奕迅／小苦妹
陳奕迅：當天首度約會靈驗 工展會見
小苦妹：這一天班上戲劇排練 春天來臨
陳奕迅：每次 聽粵曲看舊片 突然 回到舊宮殿
小苦妹：每次 見外公眼在閃 物語 又說一遍
陳奕迅：話當年 談改花鏡裡浮現
一疋布長長懷緬 老掉牙嘆數十年
小苦妹：第幾年 才改變 我的將來未望見
不懂牽掛誰的臉 心中只有甜品店
難道很百厭
陳奕迅：今天耍著太極回望 公公善忘
小苦妹：天濛光拖著你在遊蕩 乖孫在旁
陳奕迅：褲腳 放著古老藥方 著涼 才要望一望
小苦妹：背脊 攝著手帕亂闖 熱氣 讓我釋放
陳奕迅：話當年 談改變 老花花鏡裡浮現
一疋布長長懷緬 老掉牙嘆數十年
小苦妹／陳奕迅：
第幾年 才改變 (第幾年 才改變)
我的將來未望見 (妳的將來未望見)
不懂牽掛誰的臉 (不必牽掛誰的臉)
心中只有甜品店 (即管找那甜品店)
難道很百厭 (妳應該百厭)
8.五星連珠
苦佬：不如講個笑話大家聽丫,好無呀？呀,好呀呢~
有個化學老師就問佢個學生喇,」水係由咩組成架？」
咁個學生就話」HIJKLMNO」
」咩黎架？邊個教你架？」
個學生就答喇」H2O丫嘛,即係H to O啦,咪HIJKLMNO囉」
哈哈……………………………………………唔work添…
苦榮：嘩~我今日幾堅呀,我做耶穌果幕,
眼尾梢到個評判,幾睇好我呀…
苦媽：哼…你讀書唔叻呀,做戲至叻…
苦榮：唔…
苦媽：遞埋隻碗俾我洗埋佢啦…
苦榮：喂,媽呀…不如我第時做明星咯…
苦媽：哎唔好第時喇,宜家啦不如
苦榮：喂,唔係呀,講真架…
苦媽：唔好添呀你,染黑個大染缸呀
苦佬：喂仔呀仔,快D出黎睇下喇喂~
苦榮：乜野呀？
苦佬：你睇下個廣告,D狗仔幾得意~
苦榮：……仲細咩……
苦公 ：呀喇,魚蝦蟹好簡單既者
小苦妹：呀…
苦公 ：拿,妳買乜,睇下開乜,開兩隻咪賠雙倍,三隻三倍囉~
小苦妹：er…但係…m…咁唔開咪無曬D錢…？
苦公 ：係架~
小苦妹：呀~咪先咪先,點解一定要魚蝦蟹呢,
點解唔可以係豬呀,大笨象或者其他公仔丫？
苦公 ：問起我喇妳…
苦媽 ：喂阿女呀,快D沖涼喇…
小苦妹：哦…
苦公 ：點解魚蝦呢下…
苦佬 ：丫下哎…又播喇喎…果個廣告…
苦媽 ：仔呀,快D做下功課喇…你幾萬年無做過功課喇…
苦公 ：可能以前香港呢…賣魚搵好多錢架喎…
苦佬 ：隻狗D表情真係…有兩度架喎…
喂唔好咁嘈啦,睇埋廣告呀…咦？亞視又播喎個廣告…
9.講故事
作詞：林若寧
作曲：金培達
編曲：金培達
主唱：小苦妹
一張紙 寫滿我的故事 Ah Ah
紙飛機 裝載很多小意義
飛過時 誰又藐視這是一張紙
小手指 演奏「我的故事」Ah Ah
高低音 磨擦你的高興事
低怨時 動聽的節奏都倚靠一雙小手指
床前公主每夜說故事 個個亦美麗每人一篇聖詩
人人總可化身天使 你也會拍翼不要先知 (可以)
明月照耀地堂 (可以)
飛蚊子 多渺小的影子 Ah Ah
小影子 總有半天好故事
高個兒 像隻小螞蟻捉不到小小飛蚊子
人人總可快樂說故事 個個亦偉大擦亮小小意思
人人總可化身天使 你也會拍翼不要先知 (可以)
明月再會地堂 (可以)
流淚滲入蜜糖 (可以) 疲倦邂逅睡床 (可以)
| 
-五星級的家芝See姑Bi Family.jpg)